Fasnacht 2017

Sujet 2017

Naar und Naar sin zwai baar Stiifel

(aber lyycht zem uussenanderhalte)

Dr Narr an sich, sait me, syg e Käärli mit Witz,

mit Humor, Ironie-männgmool bissig-e bitz

Losst d Sorge vrgässe, bringt is zem Lache,

doch s git laider au Naare, wo s nit eso mache

Sin mit Gäld, Macht, Nyyd in Masse am Start

(Au nummen Ain wäär scho z vyyl vo dären Art)

Ooni Skrupel, bees gsteert, ooni Hiirni und Styl,

verfolge si yyskalt, fanatisch iir Zyl

Mir wurden is wintsche s gäb numme die mit Humor,

doch die kemme wältwyyt numme sälte no vor

Voordraab sin Pierrots mit Laiterwäägeli (aber halt numme Naare)

Guggemajor isch dr Oober(hoof)naar

Spiil au alli uussnaamsloos (Hoof)naare